珠三角妈咪经典语言 珠三角, 妈咪, 语言, 经典

szxcsl3

1 着多件衫呀 （不論寒冷或酷熱天氣警告都會聽到)
2 生舊叉燒好過生你 （點解係叉燒? 雙拼叉雞會唔會好D)
3 隔離陳師奶個仔讀書都唔知幾叻 （係囉, 妳都話"唔知"落,講嚟把鬼咩)
4 早D訓啦, 晚晚都咁夜訓, 聽朝返工/返學唔夠精神呀（不如你早D訓聽朝準時叫醒我啦)
5 第二樣野冇見你咁叻, 駁咀你就最叻
6 睇電視唔好坐咁埋呀, 睇壞對眼呀 （阿媽, 太遲啦,就係對眼壞左先要坐咁埋睇）
7 叫佐你唔好夜晚洗頭, 第二日老佐你就知 （第二日咁快就老？）
8 得閒帶個女仔返黎食飯啦 （帶男仔得唔得？）
9 幾時結婚呀 （結婚, 結婚, 結完就分, 有乜好結喎）
10 我："今晚又我洗碗啊？" 妈："你个衰仔好意思讲得出嘅？我辛辛苦苦煮餐饭过你地食，食完中想5做野！我煮个阵又5见你出黎帮下手，一日净喺识得对住部电脑。无益架！鬼甘多辐射， 夜晚又夜训，挨埋D夜你估好得戚咩！仲有吖......(以下省略1000字)" 我估计我洗完碗翻出黎距都未讲完。。。。。。。
11 妈："去佐边嚟啊？" 我："出街咯" 妈："边度街啊" 我:"同朋友去饮野" 妈："边个朋友啊" 我："讲你都唔知" 妈："你成日唔讲，更喺唔知" 我："***" 妈："边个嚟架，边度识架" ............. 无限延长.......... 所以......我应该一开始就唔答佢！！！
12 "咁就吃饱嘅啦？你吃佐好少嗟喔，吃多条菜啦，吃埋呢旧肉啦，嚟嚟嚟，饮埋碗汤~~~~~~~~~~~" "饱就5好吃饭啦，吃菜啦！" "饮汤边度饱既嗟，快D饮啦
13 "冲完凉又唔关热水器，迟早煤气爆炸一镬熟"
14 "过马路小心d啊" ，"因住比人抢你个袋"
15 "早d翻啊，依家社会复杂，今日报纸先讲有个后生仔比人桶死佐"
16 "有人跌佐落河，千奇五好跳落去救人啊"
17 "你睇你,一日到黑就是识得食同玩,一点都唔好学,我依家都费事讲你啊."(咁你又讲)
18 无bf果阵：求其稳住个先啦，唔好嫌3嫌4啦！ 有bf果阵：睇定d先啦，使唔使咁急啊？ 咁你究竟想我点嗟?
19 早知道就唔生你出嚟！（我都未话你未经我同意生我出嚟啊！）
20 （吃饭果阵）"今日隔离啊陈姨...... 对面啊李姨......楼上啊张姨......楼下啊刘姨......（阿妈，我饱了~~~~）